Punctuated Transcription

Ihesus!

Thys ys þe medysyne þat þe kyngys grace usythe every [day] -- þe wyche h[e] bene prowyd --for the raynyng seknys þat now [ ] raynthe, and b[y] þe grace of god yt hathe slayne þys yere lxxi personys.

he m[u]st take:

• a hanfull of rewe
• A hanfull of marygold
• halfe A hanfull of fether
• A hanfull of burnett
• A hanfull of sorell
• A quantity of dragonys, þe crop or þe route

thene take apotell of rungyng water: Fyrst wasche theme clene, and let theme sethe esely, tyl yt be a[l]moste cumme frome A potell to a quarte of leker.

thene take a [ ] clene clothe, and strayne ytt, and drynke yt, and yt be byttyr; put ther to A lytyll suger of candy and thys may be dronkyne oftyme.

and yf yt be drokyne before eny purpyl a[p]pere, By þe grase of god ther schall be no perell of no dethe!